അന്നാ,
ഒരു നിമിഷം നില്‍ക്കുക
ഒരു ഓര്‍മ സമ്മാനം കൂടി നല്‍കാം
മഞ്ഞുകാലവും കഴിഞ്ഞ്
സെന്റ്‌ പീറ്റേഴ്സ് ബര്‍ഗിലെക്കും സൈബീരിയയിലെക്കുമുള്ള
റെയിലുകള്‍ തെളിയുമ്പോള്‍
വോള്‍ഗ നദിയില്‍ ബഹുവര്‍ണ്ണ തോണികള്‍ നിറയുമ്പോള്‍
മോസ്കോയുടെ തെരിവുകളില്‍ നിറയെ വിളക്കുകള്‍ തെളിയുമ്പോള്‍
തെരിവു കച്ചവടക്കാരും ലേലം വിളികളും നിലക്കാത്ത രാവില്‍
ഞാന്‍ ഒരു വസന്തകാല പാട്ടുമായി കാത്തുനില്‍ക്കാം
അതുവരെ , എന്റെ തടവറയുടെ കല്‍ ചുമരുകളില്‍
നിന്നെ കുറിച്ച് എഴുതിയ കവിതകള്‍ ഉരുവിട്ട്
നിനക്ക് ഞാന്‍ തന്ന ഓര്‍മ സമ്മാനത്തിന്റെ ഓരത്ത്
ചരിഞ്ഞു കിടന്നുറങ്ങും .
No comments:
Post a Comment